Aргентинскиот напаѓач Серхио Агуеро за првпат се појави во јавноста после срцевите компликации кои ги доживеа на почетокот на ноември.
Агуеро во ремито против Алавес мораше да биде заменет поради отежнато дишење. Веднаш беше пренесен во болница каде што му беа направени детални испитувања. Откриено беше дека Аргентинецот има срцева аритмија. Последните неофицијални најави беа дека става крај на кариерата, сепак тоа самиот Агуеро се уште не го потврдил.
Александар Вучковски - сомелиер: Како македонските вина го освојуваат светот? ↓↓↓
Сега напаѓачот на Барселона се обрати на јавноста.
„Нема многу да зборувам за тоа. Знаете дека добро ми оди и сакам да се заблагодарам на сите за поддршката која ја добив преку друштвените мрежи во сите формати. Ми пишуваа многу луѓе и затоа сега сакам да им се заблагодарам. Нема многу да зборувам на оваа тема, само ќе уживам во натпреварите на мојот „еСпорт“ тим. Благодарам на поддршката“, соопшти Агуеро.
Очекувањата се Агуеро одлуката да ја соопшти на заедничка конференција со новинарите и клубот, меѓутоа засега нема датум за одржување на истата.
Учество во игри на среќа е дозволено за лица со 18+ години. Играј одговорно!