Агентот на новата бразилска ѕвезда го потврди интересот на Ливерпул

Играчот на Лидс, Рафиња ќе биде примарна цел на Ливерпул следното лето, пренесуваат англиските медиуми.

24-годишното десно крило Рафиња минатата сезона одигра одлично во дресот на Лидс, а синоќа блесна и во дресот на бразилската репрезентација.

Неговиот агент Деко потврди дека Ливерпул го сака Бразилецот и дека се обидел да го ангажира уште во летниот преоден рок.

„Со сигурност има многу клубови кои го сакаат. Ливерпул сакаше да го ангажира минатото лето, но Лидс одлучи да го задржи уште една сезона. Рафиња има договор на уште три години, но сигурно доаѓа моментот кога сака да направи исчекор во кариерата“, изјави агентот.

Ливерпул во летниот преоден рок беше спремен да понуди 35 милиони фунти за неговиот потпис, но во моментов неговата цена порасна.