Абрамовиќ за помирување со Конте: Еве ти го напаѓачот кој го сакаш за 53 милиони фунти

Челзи е подготвен да го доведе напаѓачот Чиро Имобиле за да ги подобри односите со Антонио Конте.

Клубот и тренерот се во постојани конфликти и по очајното лето на пазарот, не помогна ниту прилично лошиот старт на сезоната. Тоа доведе до шпекулација дека Италијанецот си заминува, а дека ќе го замени Карло Анчелоти.

Меѓутоа, „The Sun“ тврди дека Роман Абрамовиќ се обидува да го доведе Чиро Имобиле, за кого Конте мисли дека е совршен додаток на Алваро Мората во нападот. Претседателот на Лацио веќе ја одбил понудата од 62 милиони фунти од неименуван кинески клуб, меѓутоа, би ја завршил работата со Челзи за 53 милиони фунти.

Имобиле веќе постигна 17 гола оваа сезона во сите натпреварувања.