Јувентус ќе гради уште еден стадион!

Раководството на Јувентус има намера да започна со изградба на нов стадион, пренесуваат медиумите во Италија.

Планот е на новиот стадион да се играат натпревари од вториот тим на Јувентус и мечовите од женскиот тим на „бјанконерите“. Медиумите откриваат дека неговиот капацитет ќе биде околу 5-6 илјади гледачи.

„Старата дама“ е еден од малкуте италијански клубови кои имаат сопствен стадион. „Бјанконерите“ домашните натпревари ги играат на „Алијанц Стадиум“ од 2011 година кој е изграден на местото на стариот „Деле Алпи“. Вториот стадион треба да биде изграден веднаш до постоечкиот стадион.

Во моментов вториот тим на Јувентус ги игра натпреварите на стадионот во Алесандрија, а женскиот тим во Новара.

Барселона и Манчестер Јунајтед исто така имаат изградено помал стадион, па намерата на Јувентус е да го следат тој пример.