Ѓорѓевиќ: Имаше тензии и нервози, не сум задоволен!

Србија ја доби Хрватска во балканското дерби во четвртфиналето со 86:83 (ВИДЕТЕ ОВДЕ), а селекторот Александар Ѓорѓевиќ вели дека не е задоволен.

„Резултатот е добар, но не мислете дека сме задоволни и дека овде ќе застанеме. Мислам дека имаме и право и обврска и амбиција да се бориме за финалето“.

„Имаше тензии и нервози од сите страни. Ова не е обичен натпревар бидејќи натпреварите меѓу Хрватска и Србија никогаш не се обични, туку секогаш се поголеми од самиот пласман во полуфиналето од некое натпреварување“, вели Ѓорѓевиќ.

Тој ја пофали Хрватска: „Хрватите се неверојатно искусна и паметна екипа која овде одигра мошне добар турнир“.

Србија за финалето ќе се бори против Австралија од која изгуби во групната фаза.