Како што пренесува шпанското радио „Кадена Сер“, ѕвездата на Реал Мадрид, Кристиано Роналдо во период помеѓу 2011 и 2014 година наводно затаил 8 милиони евра данок, поради што случајот е проследен во Оделот за финансиски криминал во Мадрид.
За сега не е познато дали обвинителството ќе покрене обвинение против Роналдо, бидејќи поради комплексноста на шпанските закони сеуште не е јасно дали Португалецот направил кривично дело. Она што е сомнително е што Роналдо своите пари ги чувал на Девствените острови, познат даночен рај.
Исхрана, повреди и тренинг – совети од доктор по спортска медицина | Уште еден поткаст
Кога почнаа истрагите против одредени фудбалери во Шпанија, Роналдо наводно одлучил да ги регулира своите финансии во странство. Поради тоа обвинителите се поделени дали против него треба да биде покренато обвинение или не.
„Кадена Сер“ тврди дека случајот на Роналдо многу се разликува од случајот на затајување данок на Лео Меси, бидејќи и после почетокот на истрагата Аргентинецот се обидувал да ги сокрие своите финансии, додека Роналдо соработувал со властите.
Учество во игри на среќа е дозволено за лица со 18+ години. Играј одговорно!