Челзи му плати на Атлетико 40 милиони за играч кој не одиграл ниту натпревар за шпанскиот гигант

По огромното трошење на средства, на ред е приливот. По договорените пристигнувања на Хулијан Алварез од Манчестер Сити и Конор Галагер од Челзи за сума од вкупно околу 130 милиони евра, Атлетико Мадрид реши конечно да продаде некого.

Младиот шпански репрезентативец и член на олимписката селекција Саму Омородион од редовите на „Јорганџиите“ се сели во Челзи за сума од околу 40 милиони, тврдат сигурни извори, што го потврдува и Фабрицио Романо.

Играч за кој веројатно не сте слушнале, освен ако не сте голем љубител на шпанскиот фудбал, остави свој белег на натпреварувањето во Париз, кое сè уште трае, а вниманието на скаутите на Сините очигледно беше доволно за тренерот Енцо Мареска да го посака играчот во своите редови.

🚨🔵 Samu Omorodion to Chelsea, here we go! Deal in place for £35m as fixed fee from Atlético Madrid.

Seven year contract for Omorodion at Chelsea, already agreed as he’s set for medical tests.

Bayer Leverkusen and more clubs tried to enter race but Omorodion joins Chelsea. pic.twitter.com/4OAAw6mWWY

— Fabrizio Romano (@FabrizioRomano) August 7, 2024

20-годишниот фудбалер, кој има настапувано во првите тимови на Гранада и Депортиво Алавес, дојде во Атлетико во август минатата година и потпиша петгодишен договор, а по позајмицата во Виторија и осумте гола очигледно ги исполни неопходни критериуми за Челзи да издвои богатство.