Чави со апел до раководството, бара нов договор за Гави веднаш!

Тренерот на Барселона, Чави смета дека клубот треба веднаш да реагира и не смее да си дозволи да го загуби големиот талент, Гави.

Гави има само 17 години, но се наметна во еден од клучните фудбалери на Барселона оваа сезона и веќе запиша четири настапи за шпанската репрезентација.

Јасно е дека станува збор за вонсериски талент, но проблем за Барселона е што Гави се уште  нема професионален договор и во моментов заработува само 100.000 евра годишно.

„Мораме брзо да му го продолжиме договорот на Гави. Играчите како него се иднина на овој клуб. Знам дека директорите напорно работат на преговорите и новиот договор. Гави е темел за нашата иднина“, изјави Чави.