![](https://sportski.mk/wp-content/uploads/2023/03/haaland-850x491.jpg)
Килијан Мбапе (25) на лето би требало да го напушти ПСЖ и да стане играч на Реал. Според информациите на инсајдерот Фабрицио Романо, францускиот напаѓач ќе заработува околу 20 милиони евра по сезона. Исто толку имаат и актуелните најголеми ѕвезди на Реал Џуд Белингем и Винисиус Жуниор.
Веќе неколку сезони Реал се води како главен и единствен реален кандидат за доведување на Мбапе од ПСЖ, а навивачите на Барселона чекаат да видат како нивниот клуб ќе одговори на ваков мега трансфер.
Лига Нации: Се освен прво место ќе биде катастрофа за Македонија! ↓↓↓
„Мундо Депортиво“ тврди дека дознал за план со кој спортскиот директор Деко планира да му се закани на Реал.
Имено, каталонските медиуми тврдат дека Деко и Рафаела Пимиента, моќната менаџерка која ја наследи работата од Мино Раиола, се сретнале во Барселона за да разговараат за можното доаѓање на Халанд во шпанскиот клуб.
Според Мундо Депортиво, Халанд моментално е фокусиран само на Манчестер Сити, но идејата за Барселона не е одбивна за во иднина.
„Норвежанецот би можел да ги шокира сите со одлука на лето“, велат Шпанците, кои тврдат дека Халанд самиот би можел да предизвика заминување од Сити.
Барселона го сака Халанд како замена за Роберт Левандовски, од кого сака да се ослободи бидејќи ќе наполни 37 години.