ФРАНЦУЗИТЕ ЗНААТ: Канте би можел да си оди само во еден од овие два тима!

Канте блеска, како во дресот на Челзи, така и во дресот на француската репрезентација. Лондонскиот тим направи полн погодок кога го доведе од Лестер 2016. година за само 32 милиони фунти.

Овој 27-годишен фудбалер се поврзува со Јувентус и ПСЖ, кои со задоволство би го виделе во своите редови, а дури се споменуваше дека францускиот тим е подготвен да издвои огромни пари за да го доведе, но Челзи изјави дека тој не е на продажба.

Француските весници демантираа дека тој би можел да се пресели во Париз или Торино, но веруваат дека доколку Канте некогаш би го напуштил Лондон, во игра се само две дестинации – Мадрид и Барселона.

Се разбира, алудираат на Реал и на Барселона, а сметаат дека тоа би била круна на неговата кариера и дека заслужил да го носи дресот на овие два гиганти.

Канте има договор со Челзи до 2021. година, а во моментов е пресреќен во Лондон. Под водство на Сари доби и нова улога, па многу пати се наоѓаше во последниот дел од теренот, што до сега од него тоа не го видовме.