Фотографија од Ла Лига покажува колку лесно може да се манипулира со ВАР (ФОТО)

„Војната“ помеѓу ФС Шпанија и организаторот на преносите на натпреварите „Медиапро“ доби нова епизода.

До нов конфликт дојде после случувањата во преносот во текот на натпреварот помеѓу Атлетик Билбао и Валенсија кој гостите го добија со 0:1.

Реализаторот на преносот при голот на Черишев прикажа графика на која се гледа дека фудбалерот на Валенсија е во недозволена позиција, додека во ВАР собата заклучија дека позицијата е регуларна.

Во второто полувреме реализаторите прикажаа графика од ВАР собата на која се гледа дека голот е регуларен.

Во ФС Шпанија сметаат дека поставените офсајд линии не се како оние во ВАР собата и тоа го доведува во прашање целиот моментален судиски систем, па се предизвикува и сомневање во регуларноста на натпреварувањето.