ФА немаше милост: Сон доби три меча суспензија

Корејскиот фудбалер Сон Хјон-мин е казнет со суспензија од три натпревари поради црвениот картон што го доби на дербито со Челзи.

Стартот беше невнимателен, движењето на Сон и падот на Рудигер ги натераа судиите после прегледувањето на ВАР да му покажат на Кореецот црвен картон.

ФА потоа немаше милост и денес му додели додатна суспензија од три натпевари.

Тренерот на Тотенхем, Жозе Мурињо, најави дека ќе ја обжали и оваа одлука за црвен картон.

„Судијата згреши при ситуацијата со црвениот картон на Сон. Ние ќе ја обжалиме неговата одлука. Со вакви пресуди, ние го убиваме најсилното првенство во светот!“, изјави Португалецот.