Тотенхем ја „краде“ најголемата желба на Манчестер Јунајтед

Ѕвездата на Спортинг Лисабон, Бруно Фернандеш е на мета на многу европски гиганти, а најсилен интерес за него покажуваше Манчестер Јунајтед.

„Црвените ѓаволи“ долго време преговараа за Португалецот и се чинеше дека Фернандеш сигурно ќе се пресели на „Олд Трафорд“, но се случи неочекуван пресврт.

Имено, Тотенхем во последен момент се вклучи во трката за офанзивниот фудбалер и според „А Бола“ сега е фаворит за неговиот потпис.

Агентот на фудбалерот Мигел Пињо веќе пристигнал во Лондон на завршни преговори, а единствен проблем во моментов претставува цената – Спортинг за неговиот потпис бара 70 милиони евра.

„Спарси“ веќе имаат договор со играчот и се надеваат набрзо да постигнат договор со португалскиот клуб, бидејќи веруваат дека Фернандеш би бил идеална замена за Кристиан Ериксен.

Фернандеш минатата сезона на 50 натпревари за Спортинг постигна 31 гол и запиша 15 асистенции.

Bruno Fernandes’ agent Miguel Pinho is in England in a bid to ‘accelerate’ a €70m transfer from Sporting Lisbon. He held discussions with Tottenham this week. (Source: Daily Mirror) pic.twitter.com/VpZxYV4cMD

— Transfer News Live (@DeadlineDayLive) June 20, 2019