Тони Надал: Федерер е најдобар во историјата, но…

Тони Надал, чичко и тренер на првиот тенисер на светот Рафа Надал, изјави дека Роџер Федерер е без сомнеж најдобриот тенисер во историјата.

„Федерер е најдобриот тенисер во историјата. Знам само мал број на спортисти кои доминираат во своите спортови како Роџер во тенисот. Неговото влијание во последните две децении е спектакуларно“, изјави Тони Надал кој верува дека Швајцарецот може на трумфален начин да ја заврши сезоната.

„Роџер се уште е на спектакуларно ниво. Направи измени во својата игра, многу интерелегнти кои го прават поагресивен. Сега е многу потешко да се игра против Федерер, особено на брзи подлоги каде е најдобар. Очигледно е голем фаворит за Мастерсот во Лондон“.

Сепак, Тони смета дека Рафа Надал ќе може да го стигне.

„Рафа игра на многу високо ниво и сметам дека и тој е еден од најдобрите на сите времиња. Доколку продолжи добро да игра, а Федерер се повлече, во следните неколку години може да се покрене таа дебата, доколку освои уште Грен слемови. Но, моментално Роџер е најдобар“, заклучи Тони.