Денеска на 74-годишна возраст почина Александар Забрчанец-Ацуле. Долгогодишен фудбалски работник под чие раководство ФК Победа ги постигна најголемите успеси, пренесе Слободен печат.
Прилепскиот клуб во тој период освои две титули шампион на Македонија (2003/2004 и 2006/2007), беше и победник во Купот на Македонија (2001/2002).
Воедно имаше 10-годишно постојано настапување во евро-куповите со 32 одиграни натпревари низ кои несомнено го даде својот голем придонес за меѓународна афирмација на ФК Победа.
Забрчанец најголем дел од својот живот го посвети на фудбалот и неговата најголема љубов- ФК Победа.
Во Победа Ацуле започна да работи од 1979 година, од март 1996 беше директор, а подоцна и Претседател на клубот кој го вивна во височините на македонскиот фудбал приредувајќи огромни моменти на успеси и радости за прилепските љубители на фудбалот.
Учество во игри на среќа е дозволено за лица со 18+ години. Играј одговорно!