Социјалните мрежи го исмејуваат Колашинац: Како професионалец тоа не смее да си го дозволи

Арсенал синоќа со пресврт успеа да го победи Молде во Лига Европа.

Топџиите славеа со 4:1 и се максимален број бодови се први во групата пред Молде, Рапид и Дундалк. Воедно овие натпревари Артета ги користи да им даде шанса на играчите кои не играат многу во ПЛ.

Па така, редовно добива шанса и Колашинац, кој синоќа беше на теренот цели 90 минути, но дефинитивно не се прослави. Не поради лошата партија, туку поради еден неверојатен потег.

Беше 54. минута, при резултат 1:1, кога од чиста позиција промаши празен гол.

И додека социјалните мрежи го исмејуваат Колашинац, тој на Инстаграм го изрази задоволството од девет освоени бода во ова натпреварување и се извини поради епското промашување.