Сон по рекорден шести пат најдобар во Јужна Кореја

Фудбалерот на Тотенхем Сон Хеунг Минг по рекорден шести пат е избран за играч на годината во Јужна Кореја.

Офанзивецот на Тотенхем е еден од најдобрите играчи во Премиер лигата, па и овојпат немаше некоја конкуренција во својата земја. Сон беше избран од страна на Фудбалската федерација на Јужна Кореја и медиумите.

За Тотенхем во минатата сезона Сон постигна 22 гола, додека за својата репрезентација беше стрелец на четири гола во квалификациите за СП во Катар 2022.