Солари: Ги жалам оние кои сега сфатија каков играч е Бензема

Тимот на Реал Мадрид ја победи Џирона и така го обезбеди пласманот во полуфиналето на Копа Дел Реј.

Главна ѕвезда на овој натпревар за Реал беше Карим Бензема кој во победата од 3:1 постигна два погодоци и ја потврди одличната форма во која се наоѓа на последните натпревари.

Бензема долго време добиваше критики за својата неефикасност и до пред некое време веројатно поголемиот дел од навивачите на Реал Мадрид посакуваа да биде продаден.

Но, сега откако неодамна доби пофалби од својот соиграч Лукас Васкез, после натпреварот со Џирона Бензема доби и големи пофалби од Сантијаго Солари.

„Ги жалам оние што дури сега сфатија каков играч е Бензема. Сепак, никогаш не е доцна и можат да ни се приклучат на нас од другата страна и заедно да се радуваме на неговите погодоци и настапи. Бензема е голем играч и еден од најдобрите во светот и верувам дека сега сите кои не следат го знаат тоа“, изјави Солари.

https://www.youtube.com/watch?v=8bvA40Mu-Go