Се сеќавате што кажа Клоп на првиот прес како тренер на Ливерпул?

После Бундеслигата Јирген Клоп од вчера може да се пофали и со титула во Премиер лигата.

По четири ипол години од неговото доаѓање Ливерпул застана на тронот во Англија, титула на која чекаше 30 години. Ливерпул и друштвото одиграа неверојатна сезона во која доминираа и не дозволика на ниту еден тим да им се доближи. Во овој момент имаат 23 бода повеќе од Манчестер Сити.

Изградбата на овој тим започна на 8. октомври 2015 кога Клоп дојде во Ливерпул.

На претставувањето Клоп беше запрашан за очекувањата, а тој одговори:

„Ако бидам тука и по четири години тоа значи дека Ливерпул освоил барем една титула во Премиер лигата“.

Така кажа тогаш Клоп и еве денес после четири ипол години Ливерпул ја обезбеди титулата во најсилната англиска конуренција. Не треба да се заборави и дека Клоп освои и една трофеј во Лигата на шампионите.