Се работи 24 часа дневно – еве кога Реал ќе се врати на Сантијаго Бернабеу

Фудбалот за месец дена се враќа на Сантијаго Бернабеу, пишува Марка.

Уште од почетокот на пандемијата во 2020. година, кога започнаа работите на култниот стадион, Реал натпреварите ги игра на помошниот стадионо Алфредо Ди Стефано.

Капацитетот на стадионот ќе остане 81.000, но со целосно нов изглед. Ќе добие и бројни нови атракции, како голем екран од 360 степени, шопинг-центар, хотел, нови ресторани, подземни гаражи…

Реал стадионот би требало да го отвори на 12. септември, но сите работи нема да бидат завршени. Реал очекува стадионот во целост да биде завршен до крајјот на 2022. година.

Марка пишува дека на стадионот се работи 24 часа дневно, во три смени по осум часа и со повеќе од 800 работници на тревникот и трибините.