Реал на средба со Мендеш, тема бил Леао

Шпанските медиуми пренесуваат дека Реал Мадрид се вклучил во трката за ѕвездата на Милан, Рафаел Леао.

Португалецот се етаблираше во еден од најдобрите млади фудбалери во Европа и беше избран за МВП на сезоната во Серија А.

Анчелоти верува дека Леао може да игра и како крилен, но и како централен напаѓач на местото на Бензема, па поради тоа сака да го доведе на „Сантиаго Бернабеу“.

Неговиот договор со Милан е до 2024 година, па доколку не го продолжи до крајот на сезоната, „росонерите“ ќе мора да го продадат на лето.

Неговиот агент, Жорге Мендеш веќе имал средба со Реал Мадрид и разговарале за евентуален трансфер на Португалецот.