Реал му понуди нов договор на Модриќ

Плејмејкерот на Реал Мадрид, Лука Модриќ сака да остане на „Сантиаго Бернабеу“, па дури е спремен да прифати и помала плата, пишува „Марка“.

Актуелниот договор на 35-годишниот Хрват истекува на крајот на сезоната, но Модриќ не ја крие желбата да остане во Реал Мадрид.

Последните информации од Шпанија се дека „кралевите“ сакаат да го задржат 35-годишниот плејмејкер и веќе испратиле понуда за нов едногодишен договор.

Се очекува двете страни брзо да постигнат договор и Хрватот наскоро ќе стави потпис.