Пјаниќ во 2009: Ќе работам напорно за еден ден да играм во Реал

Maдритските медиуми „Марка“ и „АС“ не го штедат Пјаниќ откако беше потврден неговиот четиригодишен договор со Барселона.

Логично е медиумите со седиште во Мадрид повеќе внимание да посветуваат на Реал и подобро да се однесуваат кон „кралевите“ отколку кон Барселона.

Сега медиумите во Мадрид потсетуваат на изјави на Пјаниќ од минатото и потенцираат дека тој секогаш ги фаворизирал Реал Мадрид и Зинедин Зидан.

„Сакам еден ден да играм за Реал Мадрид и ако се биде како што треба зошто да не“, гласи една од изјавите.

„Реал ми е омилен клуб уште од кога Зидан беше играч. Во тоа време ми беше омилен и секогаш ќе ми биде. Ќе работам напорно за да играм таму“, изјави Пјаниќ во 2009 година.

Најголемиот идол на Пјаниќ сега му станува најголем ривал, а треба да се потсети и дека Пјаниќ како играч на Лион го исфрли Реал од Лигата на шампионите. На овој детал не потсетија ниту „АС“, ниту „Марка“.