Проблем за Зидан – се повреди Тони Крос

Плејмејкерот на Реал Мадрид, Тони Крос ќе биде надвор од терените околу две недели поради повреда.

Од клубот потврдија дека германскиот репрезентативец има мускулна повреда на левата нога, а според медиумите неговата рехабилитација ќе трае околу 15 дена.

Крос се повреди за време на натпреварот против Бетис во саботата и ќе ги пропушти следните два меча за Реал, против Ваљадолид и Леванте.

Потоа претстои пауза за репрезентативците натпревари од Лигата на нации, а Крос воопшто нема да биде повикан за Германија и ќе се рехабилитира во Мадрид.