Полуфинале во Египет, победникот решен после 34 пенали

Екипата на Модерн Фјучрс се пласирa во финалето на египетскиот Суперкуп откако во неверојатно драматичен меч беше подобар од Пирамидс на пенали.

Во регуларниот дел немаше погодоци, па мораше да се изведуваат удари од белата точка. По стандардните пет пенали на двете страни, резултатот беше 4:4 и се продолжи додека едниот тим не погоди, а другиот да промаши.

Беа потребни дури 34 пенали па Модерн Фјучрс го победи Пирамдис со конечни 14:13.

Дефанзивецот на Пирамидс, Осама Галал промаши два удара од белата точка, вклучувајќи го и решавачкиот што ја запечати победата на Фјучрс.