ПМФЛ: Струга го прегази Вардар, Работнички нов лидер

Денеска во рамките од деветтото коло во македонската прва лига се одиграа шест натпревари по кои нов лидер е екипата на Работнички со триумфот од 2:0 против Воска, додека Вардар беше декласиран од Струга со 1:4.

По само три минути игра Струга дојде до предност против Вардар, погоди Беким Камбери. Вардарци го возвратија ударот преку Босанчиќ кој стрелаше за израмнување.

До крајот на првиот дел гостите сепак го вратија водството со голот на Кампаоре.

Во второто полувреме видовме и погрдни скандирања кон голманот Филип Гачевски од страна на навивачката група „Комити“, Струга постигна два за конечен триумф.

На табелата Работнички е лидер со 19 бодови, потоа следи Шкендија со 18, па Гостивар со 17, Струга е на 15, Силекс 14…

Резултати – 9. коло ПМФЛ:

Гостивар – Беса 1-1
Пелистер – Тиквеш 0-0
Шкупи – Брера Струмица 3-1
Силекс – Шкендија 0-0
Вардар – Струга 1-4
Воска – Работнички 0-2