Струга Трим Лум продолжува да го засилува и денеска го официјализираше трансферот на 19-годишниот Анди Демири, централен дефанзивец кој своите фудбалски почетоци ги направи во Франција.
Демири, кој потекнува од Теарце, првите чекори ги направи во младинскиот состав на Вашкел, а во 2024 година направи трансфер во францускиот гигант Лил. Добрите настапи во младинскиот фудбал му донесоа и повик во репрезентацијата на Косово до 19 години.
Младиот стопер во еден период беше повикан и на тренинзите на сениорската репрезентација на Косово, која тогаш ја предводеше Франко Фода.
Струга Трим Лум успеа да го убеди Демири да се врати во македонскиот фудбал, а двете страни договорија соработка во следните две години. Со височина од 192 сантиметри, дефанзивецот носи физичка моќ во последната линија и од него се очекува да биде значајно засилување, но и инвестиција за иднината на клубот.
Учество во игри на среќа е дозволено за лица со 18+ години. Играј одговорно!