Пике: Еден играч на Реал се забавуваше вечерта откако ги победиве 2:6

Во 2009 година Барселона ја оствари една од најголемите победи против Реал Мадрид, Каталонците на гости на „Сантијаго Бернабеу“ славеа со 2:6.

Сега Пике во шоуто на Ибаи Ланос откри дека еден играч на Реал Мадрид по тој тежок пораз излегол да се забавува. Иако Ланос се обидуваше сепак Пике не сакаше да открие за кого станува збор.

„Има нешто интересно за тој исторски 2-ри мај. Еден фудбалер на Реал Мадрид после поразот од 2:6 излезе вечерта да се забавува. Нема да ви го откријам името, но ќе ви кажам дека беше „уловен“ од играч на Барса кој исто така се забавуваше. Не би се изненадиле ако знаете за кого станува збор“, изјави Пике.