Официјално: Тео Ернандез го продолжи договорот со Милан

Тоа што се најавуваше сега доби и официјална потврда – Тео Ернандез го продолжи договорот со Милан.

Дефанзивецот е еден од најдобрите фудбалери во таборот на „росонерите“ и сега стави потпис на нов договор со кој се обврзува на вереност до 2026 година. Во наредните години во Милано тој ќе заработува 4.5 милиони евра.

Потписот на Ернандез се најавуваше некое време, а ова секако е одлична вест за навивачите.

Од неговото доаѓање во Милано Ернандез запиша 108 настапи во кои постигна 19 гола и подели 18 асистенции.