Олимпијакос ја освои Конференциската лига со гол во 116. минута (ВИДЕО)

Фудбалерите на Олимпијакос дојдоа до пехарот во Конференциската лига, откако на стадионот во Атина ја совладаа Фиорентина со 1:0 (0:0, 0:0) по продолженијата во финалето во Атина.

Голот со кој грчкиот клуб го освои првиот трофеј во европските клупски натпреварувања го постигна Ел-Каби во 116 минута.

Инаку во текот на првото полувреме Италијанците успеаја да постигнат гол преку Бираги, но истиот после ВАР снимката беше поништен поради офсајд.

Тимот од Фиренца втора година по ред е поразен во финалето на Конференциската лига.

Ова беше трета сезона во третото по квалитет клупско натпреварување на УЕФА, а во претходните две изданија победници беа Рома и Вест хем.

🔴⚪️🏆👊🏻 pic.twitter.com/hxJE7fJCog

— Olympiacos FC (@olympiacosfc) May 29, 2024