Обајеманг се сели во Серија А

Пјер Емерик Обамејанг е надвор од тимот на Арсенал и клубот му ја отвори излезната врата.

Прашање е дали ќе биде вратен во тимот, а многу поверојатно е да биде продаден во зимскиот преоден рок.

За него најсилен интерес покажува Јувентус, а сега во трката за потписот на Обамејанг се приклучи и Милан.

Африканецот е производ на академијата на „росонерите“, има неколку настапи за првиот тим, па ова за него би било враќање на „Сан Сиро“.

32-годишниот Обамејанг има договор со Арсенал до јуни 2023 година, а италијанските гиганти го сакаат на позајмица со право на откуп.

Од друга страна пак „топџиите“ сакаат дефинитивно да го продадат напаѓачот, а не да го пуштаат на позајмица и се спремни да го пуштат за симболична сума.