Нови промени во Барселона: Жорди Кројф и Овермарс кандидати за технички директор

Eкипата на Барселона на почетокот на новата сезона прави големи промени.

Се започна со промените во играчкиот кадар потоа на клупата, а сега дојде време за промена во раководството. Од клубот си заминува техничкиот директор Рамон Планес и тоа на негово барање. Тој верува дека неговиот циклус е завршен и ќе побара нов предизвик во кариерата, иако неодамна го продолжи договорот на уште две години.

Планес во неговиот период во Барселона ги доведе Педри и Роналд Араухо, наводно е заслужено и за напредокот на младиот Гави како и на Илакс Мориба кој си замина.

Одлуката Планес веќе ја соопштил на раководството кое сега бара негова замена на оваа позиција. Во овој моемнт главен кандидат е Жорди Кројф, меѓутоа се споменува и Марк Овермарс.