Не престанува да изненадува: Чави донесе ново правило во Барселона

Легендарниот Чави Ернандес се врати во Барселона после шет години и го презеде кормилото на тимот од Камп Ноу.

Новиот тренер од самото доаѓање почна да воведува ред во Барселона, се со цел да се поправат резултатите и дисциплината во тимот.

Чави воведе правила за своите играчи кои меѓу другото сега мора да пристигнат 90 минути порано на тренинг, а мора да внимаваат какви работи објавуваат на социјалните мрежи.

Во центарот на вниманието беше правило за Жерар Пике кому Чави му забрани да патува надвор од градот поради приватни обврски и дека тоа може да го прави само кога е на одмор.

Последната промена се однесува на тренинзите. Чави одлучи Барселона да тренира на Ноу Камп наутро на денот на домашните натпревари.

Кике Сетиен беше првиот што го воведе правилото за тренирање на денот на натпреварот, но тоа никогаш не беше направено на главниот терен.