Не помогна и супер настапот на Јокиќ, Денвер елиминиран од Голден Стејт 🎥

Изминатата вечер во НБА лигата добивме уште два учесници во конференциските полуфиналиња.

На западот Голден Стејт го елиминираше Денвер со 4:1. Вориорсите во петтиот натпревар славеа со резултат 102:98 во еден навистина интересен натпревар. Предводник на Вориорси беше Кари со 30 поени, пет скока и пет асистенции.

Блескавиот настап во кој Јокиќ постигна 30 поени, подели осум асистенции и додаде 19 скока не беше доволен за Денвер да избегне елиминација.

На истокот понатаму продолжува Милвоки кој исто така со 4:1 го доби Чикаго во серијата. Во вчерашниот петти дуел Бакси славеа со 116:110. Јанис Антетокумпо беше најдобар во победничкиот тим со 33 поени, девет скокови и три асистенции. Одличен настап со дабл-дабл учинок имаше Портис кој остигна 14 поени и додаде 17 скокови.

Вучевиќ со 19 поени, 16 скокови и шест асистенции беше најдобар кај Булси, но тоа им беше слаба утеха.