Необичен потег: Француски клуб третиот дрес му го посвети на Реал Мадрид

Францускиот прволигаш Ремс денеска го претстави својот трет дрес, а тој е посветен на актуелниот европски шампион Реал Мадрид.

Ремс во 1959 година играше финале во Купот на шампионите против „кралевите“ и беше поразен со 0-2, но овој натпревар кој се одигра во Штутгарт ќе остане запишан во историјата на францускиот клуб.

Наредното лето ќе се прослават 60 години од споменатото финале, а во таа чест Ремс реши третиот дрес да го дизајнира во боите на Реал и на овој начин да им се заблагодари на своите „вечни пријатели“.

Ремс во новиот дрес ќе настапи уште во недела во француското првенство против Рен.

Stuttgart, un certain 3 juin 1959… En cette saison qui marque le 60ème anniversaire de la deuxième finale de @ChampionsLeague du #SDR, le club dédie son maillot "third" à son meilleur adversaire et éternel ami, le @realmadrid. Il sera étrenné à Rennes pour #SRFCSDR. #HalaMadrid pic.twitter.com/4UTR3Gyo4u

— Stade de Reims (@StadeDeReims) October 26, 2018