На „кралевите“ им олесна: Роналдо е спремен за „Ел Класико“

Мегаѕвездата на Реал Мадрид, Кристиано Роналдо денес конечно го одработи првиот тренинг со тимот, само 24 часа пред големото дерби против Барселона.

Португалецот тренираше индивидуално полседната седмица, откако доби тежок удар во финалето од Светското клупско првенство кое се играше минатиот викенд.

Шпанските медиуми тврдеа дека Роналдо тренира индивидуално само поради превенција и дека нема опасност да го пропушти „Ел Класико“, но кај фановите на „кралскиот“ клуб сепак имаше загриженост.

После денешниот тренинг нема дилеми дека Роналдо ќе истрча од првата минута утре во 13 часот на „Сантиаго Бернабеу“.