Најконтроверзната одлука на ЕП: Погледнете зошто на Холандија и беше поништен гол против Франција

Холандија и Франција одиграа нерешено без голови во дербито од групата Д на Европското првенство.

Французите пропуштија две одлични прилики, а Холанѓаните во 68. минута успеаја да ја сместат топката во мрежата, но нивниот гол беше поништен. Холандскиот играч за врска Чави Симонс постигна гол од 16 метри по голема гужва во шеснаесетникот.

Топката ја погоди мрежата, но проблем беше позицијата на Данзел Дамфрис, кој според судиите му пречеше на францускиот голман. По долга проверка голот беше поништен. Холандија и Франција имаат по четири бода, и со тоа направија голем чекор кон следната фаза.