За шеф на стручниот штаб на зелено-белиот прв тим е назначен Жоао Переира, поранешниот тренер на резервниот тим на Спортинг Лисабон.
Переира потпиша тригодишен договор, а 40-годишниот нема да има лесна задача – да го замени новиот менаџер на Манчестер Јунајтед, Рубен Аморим, кој не изгуби ниту бод во 11 кола од португалската лига, и ги предводеше „лавовите“ до второто место во Лигата на шампионите.
Пред дербито, падна најважниот потпис во Манчестер Сити! ↓↓↓
„Гордост, привилегија и чест е да се промовирам на местото главен тренер на Спортинг. Благодарност до претседателот на клубот и комисијата за укажаната доверба. Би сакал да му се заблагодарам и на Рубен Аморим за се што направи за португалскиот фудбал, особено за она што го постигна во Спортинг. Зад себе остави наследство, а тоа не се само резултати, победи и рекорди, туку и единство што успеа да го создаде“, изјави Переира, а пренесува клупската веб-страница.
Покрај тоа што му се восхитува на својот претходник, Переира истакна дека има изразен победнички менталитет.
„Најголемата грешка што можам да ја направам е да имитирам некого. За четири и пол години јас и Рубен развивме одличен однос со сите. За мене нема да биде исто, но се ќе се развива и зајакнува. Ако продолжиме да победуваме, во мене ќе ја видите истата доверба како во него“, додаде Переира.
Учество во игри на среќа е дозволено за лица со 18+ години. Играј одговорно!