Навивач на Фенербахче починал по голот за победа против Галатасарај

Вчера се играше големото дерби во турската Суперлига помеѓу Фенербахче и Галатасарај.

На крајот Фенербахче победи со 2:1 во драматична завршница и со гол во 94. минута. Шокантниот крај на натпреварот еден навивач го чинел живот. Ахмет Усал (60) натпреварот го гледал во еден локал, а кога неговиот тим постигна гол за победа тој починал како последица од срцев удар.

Внукот на Ахмет Усал, Еркан Усал зборуваше за турските медиуми.

„Беше толку фанатичен навивач што на ѕидот на својата ќука имаше амблем на Фенербахче и турското знаме. Натпреварот беше возбудлив. Кога Фенербахче, тим кој толку многу го сакаше постигна гол се сруши на земја. Веднаш го однесовме во болница, но не можеше да се спаси. Нашата болка е голема“, изјави внукот Еркан.