Португалецот Жозе Мурињо екипата на Челзи ја водеше во два „мандати“, но два пати неговата авантура завршуваше со отказ.
Мурињо минатата година седна на клупата на Манчестер Јунајтед, а денес тој во англиските медиуми зборуваше за неговата одлука да го продаде Кевин Де Брујн додека беше менаџер на „сините“ од Лондон.
„Од своите фудбалери секогаш очекувам да се војници на теренот, без оглед дали некој е талентиран или не. Де Брујн ме воодушеви со играта кога пристигна, но со своето однесување го расипа впечатокот. Едноставно не сакаше да биде шампион, беше премногу мрзлив. Очекував многу повеќе од него, но тоа не го добив. Иако многумина сметаат дека направив грешка со продажбата, едноставно јас немав друг излез. Не сакав да имам играч со таков став во својата екипа“, изјави Мурињо.
Оваа изјава на Мурињо следуваше како одговор на изјавата на Де Брујн од пред неколку дена во која тврдеше дека со заминувањето од Челзи станал голем играч.
Учество во игри на среќа е дозволено за лица со 18+ години. Играј одговорно!