Милан тргнува по ѕвездата на Баерн Минхен

Италијанските медиуми пренесуваат дека Милан е силно заинтересиран за играчот за врска на Баерн Минхен, Хави Мартинез.

Милан сака да го засили средниот ред во зимскиот преоден рок со искусен фудбалер, а Шпанецот е одреден како трансфер цел број еден.

31-годишниот Мартинез има договор со Баварците до 2021 година, но и самиот е спремен да ја промени средината.

Оваа сезона ретко добива шанса во стартниот тим, па Милан е спремен да ја искористи таквата ситуација.

Италијанските медиуми пренесуваат дека „росонерите“ се спремни да понудат помеѓу 15 и 20 милиони евра и веќе стапиле во контакт со неговиот агент.