Милан и Интер тргнаа по „отпишаниот“ играч на Баерн

После заминувањето на Карло Анчелоти иднината на Хамес Родригез на „Алијанц Арената“ е неизвесна и Колумбиецот може да ја промени средината уште во јануари.

Хамес ова лето пристигна во Минхен на двегодишна позајмица за 10 милиони евра, а Баварците ќе имаат можност да го откупат неговиот договор за додатни 40 милиони евра, но тоа најверојатно нема да се случи.

Новиот тренер Јуп Хејнкес призна дека Колумбиецот има проблем со прилагодувањето во Бундес лигата, па после заминувањето на Анчелоти готово сигурно и тој ќе ја промени средината.

Хамес сака да има поголема минутажа за да биде во форма на Мундијалот, а ситуацијата будно ја следат миланските гиганти Милан и Интер.

„Скај Италија“ пренесува дека двата клуба се заинтересирани да го донесат Колумбиецот во Милано, а за тоа најверојатно ќе им бидат потребно околу 40 милиони евра.