Меси не прифаќа намалување на платата

Лионел Меси одбил да го продолжи договорот со ПСЖ бидејќи не сака да ја намали платата, пренесува „Паризиен“.

Неговата иднина во Париз е неизвесна, бидејќи договорот му истекува на лето, а преговорите се во ќорсокак.

Неговиот татко и агент, Хорхе Меси ја одби понудата на ПСЖ за продолжување на соработката, бидејќи Аргентинецот не прифаќа помала плата од актуелната, која изнесува 38 милиони евра по сезона.

„Паризиен“ пренесува дека конечната одлука Меси ќе ја донесе после реваншот со Баерн Минхен во Лигата на шампиони.

Не е тајна дека Меси на маса има понуда од Интер Мајами, а Барселона исто така покажува интерес за го врати на „Камп Ноу“.