Мемфис Депај флертува со Милан

Една од главните трансфер цели на Милан во летниот преоден рок, Мемфис Депај ги коментираше гласините за негов трансфер на „Сан Сиро“.

Напаѓачот на Лион синоќа одигра фантастичен меч за холандската репрезентација против Португалија и беше стрелец на првиот гол.

После натпреварот Депај даде коментар за својата иднина и проговори за можноста да се пресели во Милан.

„Целосно сум концентриран на настапите за Лион. Секое утро му се заблагодарувам на Бог за можноста да го правам тоа што најмногу го сакам, да играм фудбал. За заинтересираните клубови ќе размислувам кога ќе дојде време за тоа. Милан е голем клуб со неверојатна историја и имаат одличен тим“, изјави Депај.