Лукаку го испрати агентот во Милано, сака да се врати во Интер

Ѕвездата на Челзи, Ромелу Лукаку сака по секоја цена да го напушти клубот и ова лето да се врати во Интер, пренесуваат италијанските медиуми.

Лукаку минатото лето пристигна како големо засилување во Челзи за 115 милиони евра, но е само бледа сенка на тоа што беше во Серија А. Тој го загуби местото во стартниот тим, па дури и влезе во конфликт со тренерот Томас Тухел.

Белгиецот не е среќен на „Стенфорд Бриџ“ и сака да се врати во Интер, па веќе имал телефонски разговор со директорите на миланскиот клуб и притиска да се врати на „Џузепе Меаца“.

„Кориере дело Спорт“ пренесува дека неговиот агент и адвокат утре ќе пристигнат во Милано, ќе имаат средба со директорот на Интер и ќе му соопштат дека Лукаку е спремен да прифати значително намалување на платата за да се врати.

Сепак, проблем е што Интер единствено ќе може да го врати Лукаку само ако Челзи прифати да го пушти на едногодишна позајмица.