МАНЧЕСТЕР ЈУНАЈТЕД одигра сезона за заборав. „Црвените ѓаволи“ завршија на осмото место со ист број бодови како Њукасл, но поради полошата гол-разлика, која во нивниот случај е дури и негативна не обезбедија пласман во Европа.
На крајот се спасија со освојувањето на ФА Купот против Сити, но целокупниот впечаток секако не е добар. Шефовите на клубот наводно веќе бараат ново тренерско решение, но и освежување за играчкиот кадар. Голем проблем за Јунајтед во сезоната штотуку заврши беше одбраната.
Бразилскиот играч за врска Касемиро мораше да игра стопер поради кадровски ограничувања, па според англискиот Индипендент, главна цел на Јунајтед на лето е засилување на бековската линија. Нивната прва желба е дефанзивецот на Челзи, Чалоба, кој главно игра на позицијата стопер.
Чалоба има 25 години, а Челзи за него би барал 30 милиони евра. Јунајтед во англискиот дефанзивец гледа замена за Рафаел Варан, кој нема да го продолжи договорот и наскоро се очекува да потпише за клуб од Саудиска Арабија.
Учество во игри на среќа е дозволено за лица со 18+ години. Играј одговорно!