Кутињо воодушевен: Со секој нов ден Меси е се подобар, се обидувам да учам

Бразилецот Фелипе Кутињо конечно после долгите преговори помеѓу Ливерпул и Барселона се пресели на „Ноу Камп“.

Кутињо веќе се запозна со своите нови колеги, а во прилагодувањето му помага и неговиот соиграч од времето во Ливерпул, Луис Суарез.

Бразилецот за шпанските медиуми искажа воодушевување од новите соиграчи, а посебно го пофали Лионел Меси.

„Навистина е неверојатно, но Меси секој нов ден е се подобар го користам секој момент за да научам нешто ново. Учам од сите и се обидувам да го искористам тоа. Освен соиграчите и Валверде е одличен и знае на која позиција треба да играм“, изјави Кутињо.