Италијанците тврдат: Причината за смртта на Астори не е срцев удар

Според најновите информации на италијанските медиуми, Давиде Астори не починал како последица од срцев удар.

Откако Астори беше пронајден мртов во хотелска соба, првите прогнози беа дека смртта настапила поради срцев удар, но италијански „Раи“ денес објави дека причина за трагичната смрт на фудбалерот е излив на крв во мозокот.

31 годишниот Астори почина во сон ноќта помеѓу саботата и неделата, а бил пронајден утрото откако не се симнал на појадокот и не одговорал на повиците.

По трагичниот настан претседателот на Фиорентина откри дека Астори денес требало да го потпише новиот договор со кој би ја завршил кариерата во Фиренца.