На Жозе Мурињо и понатаму не му е јасно како Весли Снајдер не ја освоил Златната топка во 2010 година.
Холанѓанецот беше еден од најдобрите играчи на Интер со кој освои тројна круна, а со националниот тим беше светски вицешампион. Исто така Португалецот не се помирил со тоа што и останатите негови играчи од тој тим не поминаа добро кога се индивидуалните награди во прашање.
„Чудно ми е што Самуел Ето во текот на неговата кариера не ја освои Златната топка. Вес таа година беше неверојатен, тројна круна и финале на Светското првенство. Дојдовме на свеченоста, а никој од моите момци не беше ниту во топ 3. Единствено неколкумина беа во идеалните 11 на своите позиции“, изјави Мурињо.
Таа година Златната топка ја освои Лео Меси пред соиграчите Чави и Иниеста, а Снајдер заврши на четвртата позиција.
Учество во игри на среќа е дозволено за лица со 18+ години. Играј одговорно!