Зидан не се предава: Ништо не е завршено

Тренерот на Реал Мадрид, Зинедин Зидан е незадоволен после синоќешниот пораз од Манчестер Сити во ЛШ, но сепак не се предава пред реваншот.

Зидан жали што неговиот тим ја загубил концентрацијата во самиот финиш, но е оптимист дека „кралевите“ можат да победат на „Етихад“.

„Цели 75 минути игравме добро. Незадоволни сме од поразот, но борбата трае 180 минути. Сега треба да најдеме нешто позитивно. На крајот не се заврши добро, но ние одигравме добро ако не ги земете предвид последните минути“.

„Сега, ако сакаме да одиме понатаму, мора да победиме во Манчестер. Имаше грешки во одбраната, но ова е дел од фудбалот, тоа е се. Се обидовме, дадовме се на теренот. Немавме доволно концентрација уште 10 минути во многу тежок натпревар и плативме за тоа“, рече Зидан.